Sekso kaj genro
Sekso kaj genro |
|
Kiu intervjuas aŭ observas grandan kvanton da viroj kaj virinoj, rimarkos ke ekzistas interesoj kaj kondutoj kiuj ĉefe troviĝas ĉe viroj, kaj aliaj kiuj cefe troviĝas ĉe virinoj. Oni povus resumi tiun observon en du listetoj: unu de viraĵoj, alia de inaĵoj. Konciza resumo de granda kvanto da observoj estas statistiko.
Multaj homoj konsideras statistikon kiel io magia, kiel absoluta normo. Ili parolas ekzemple pri "la averaĝa homo". La averaĝa homo estas homo kun averaĝa alto, averaĝa pezo, averaĝa sekso, averaĝa aĝo, averaĝa enspezo kaj averaĝa loĝloko. En la tuta mondo ekzistas neniu averaĝa homo, kaj tamen ĝuste li estas ofte konsiderata kiel normo. Tiaj estu ĉiuj, aŭ tia mi mem iĝu.
La sama okazas pri la listetoj de viraĵoj kaj inaĵoj. Tri grupoj de personoj konsideras tiujn listetojn kiel normo: tradiciistoj, transgenruloj kaj miksgenruloj.
Tradiciisto estas persono kiu diras: mi estas viro, sekve mi devas konduti kiel viro. Mi faras ĉiujn viraĵojn. Aŭ mi estas virino kaj mi faras nur inaĵojn.
Ciuj devas konduti laŭ la statistiko de sia sekso.
Transgenruloj ankaŭ konsideras la statistikon kiel devigan, sed ili pensas ke la listetoj ne priskribas homojn de malsama sekso, sed homojn de malsama genro. Sekson oni havas denaske, sed genron oni povas elekti. Mi sentas min pli komforta kiel viro, tial mi estas viro, kaj mi faras viraĵojn. Aŭ mi faras inaĵojn, do mi estas virino , eĉ se mi troviĝas en la korpo de viro.
Ĉiu elektu sian statistikon kaj poste kondutu lau tiu statistiko.
Miksgenruloj estas speciala speco de transgenruloj. Foje ili sentas sin viro, foje virino, foje io intermeze. Kiel viro ili faras viraĵojn, kiel ino ili faras inaĵojn, kaj intermeze ili kombinas erojn el ambaŭ listetoj.
La elekto povas varii, sed ĉiam oni sekvu unu el ambaŭ statistikoj.
Plej multaj homoj ne kolektas poŝtmarkojn. Plej multaj virinoj ankaŭ ne. Tradiciistoj, transgenruloj kaj miksgenruloj neniam kolektas poŝtmarkojn. Tio estas malpermesata, ĉar ĝi ne troviĝas en ilia listeto. Viroj aŭ virinoj de la statistiko ne faras tion.
Ne ĉio estas elekto. Sekso X (malklara aŭ miksita) ja vere ekzistas. Temas pri iom pli ol 1 % de la naskitoj, kaj ne pri memelktita genro. Ekzistas diversaj formoj, sed kune ili estas nomataj intersekso (vidu Vikipedion).
Dato en kiu tiu ĉi paĝo estis lastfoje aktualigita: 2025-06-08